Erpangir Kulau I
Bayank Bere Karona
Erpangir ku lau emekap ersembah man nini keramat Deleng Sibayak. Menurut kepercayan kami, bage maka kami sehat kerina janah jumpa rezeki. Cara Ndalenken Erpangir
Perlebe, bahan Belo Persentabin Erban Pangir. Cibalken luah si man nini Deleng Sibayak Maka si ban Belo Siwah Sepulusa man Persentabin ku nini keramat Deleng Sibayak ras ninita kerina (Begu Jabu/ Si mate Sada Wari). Si ban ka belo cawir ras isapna. Emaka si lebuh nini keramat ndai kerina.
Contoh Erlebuh: Mari Beru Karo reh dage kam. Enda enggo ka kami reh ku ingan pengada-ngadanndu enda. Mindo perkuah atendu nandangi kami kerina kempundu, bage pe kam Beru Kertah Ernala ras-ras kam kerina pulung. Bage pe kam Bulang ras Panglima kerina, ula kam sitading-tading. Nini Beru Sembiring baba ka luahndu Pupuk Tawar ndai. Isi dage pangir kami enda ndai maka mejuah-juah jumpa rezeki kami kerina bekas pengarak-ngarakndu kerina.
Dung Erlebuh e maka siarna si erlebuh ndai. Ije maka kita ercakap-cakap janah sungkun si man sungkunenta, sibiak kai kin si man sungkunen. Je kari maka turikenna. Misalna: Kebenen, Sakit, La lit rezekina, La lit tuahna, Entah pe tertutup rezeki.
Bage-bagem ia contohna si man sungkunen ndai. Je kari maka katakenna dalanna ras tambarna adi ia si sakit. Adi la lit tuahna pe banci katakenna dalanna.