Anak Pengungsi Sinabung Ndungi Sekolah

Nisuratken: Sartika beru Karo (Medan) Naruhken cimpa ras ampam ku toko emas i Pajak Sore, Padangbulan (Medan)[/caption]
Singkat cerita. lulus me aku SMA tahun 2010. Kukataken man nande. “O nande, aku kuliah kap ateku emaka bimbingen lah aku i Medan,” ningku.

“Adi bage kin sura-surandu, ue yah. Piga-piga wari enda me sidaftarken, adi gundari lenga lit sen,” nina.
“Ue yah ertoto kita gelahna cukup ken Tuhan krina” ningku ngaloisa.
Berkat toto ras penampat kade-kade ndaftar me aku bimbingen ku Medica Jl. Bantam. tapi ingan bimbingenna i Medica Universitas Darma Agung. Ampam ibas belanga[/caption]
Medan aku tading ras bibi tua, turang bapa. Ia dahinna ku pajak pagi. Anakna dilaki duana. Emaka dahin rumah aku kerina ndadapsa janah bimbingen. Tiap wari aku bergkat rumah nari jam 7.30 WIB, adi mulihna jam 18.30 karaben. Perban enggo pe habis jam bimbingen numpang aku ku kelas kalak e gelah aku semakin mengerti ateku.
Bas sada wari, nelpon aku ras nande.
Reh nina nande: “Em kap ko, bage nina Nande Sianu ah, pertua-tuaken kel Nande Sarika e nama anakna bimbingen. Ersura ka je masuk perguruan tinggi negeri. Adi la lit dekingta labo masuk.”
Mbegi kata na e mis ndiher iluhku, mis kel kap kami jingkali kalak. Em ban la lit bas kami e, la kel eralang-alang kalak ngerana, ateku.
Mulai je nari reh tutusna aku erlajar. Jam 22.00-3.00 WIB mon-mon aku erlajar. Adi madat kenca aku mis kuinget kata kalak ndai si “la mungkin” nina.
“La mungkin nindu ijem pagi kuban mungkin. Kalak pe beras nge nakan kalak aku pe beras nge nakanku,” ningku ngeranai je sisada ban melasna kuakap. ipasu-pasundu aku bere aku daya ingat[/one_fourth]
Janah aku ertoto janah aku erlajar la kap banci la lulus ateku. emaka ertoto aku bas sada wari bagenda ningku: “O Bapa, la kap terligen matandu ngidah uga perbahanen kalak nandangi kami. Tapi, aminna bage pe, pegegehlah kami ngalo-ngalosa sebab alu bage banna reh semangatna aku erlajar. Tolong ipasu-pasundu aku bere aku daya ingat ras nehenndu uga belinna sura-suraku ras sura-sura orangtuaku gelah aku kuliah. Ula permelaken-Ndu kalak si erpengarapen man bandu, amin,” ningku dingen nircir kel iluhku e.
Sada bulan aku bimbingen i Medan Ujian Masuk Bersama (UMB). Inganku ujian i Jl. H.M. Joni bas salah sada SMA swasta. Kujawab kerina soal ndai asa ngasupku janah la ka aku lupa ertoto.
“Nggo kudalanken bagianku, Tuhan. Emakana, adi berkehendak Kam, lalit kap si la mungkin adina aku ras Kam. Ula permelakendu aku ras orangtuaku, amin,” ningku.
Sada bulan kemudian ndarat me pengumumen emaka kucek ku warnet. Hasilna emekap ‘SARTIKA BR KARO DITERIMA DI ILMU KESEJAHTERAAN SOSIAL FAKULTAS ILMU SOSIAL DAN POLITIK SEGERA MEMBAYAR UANG SPP DAN DAFTAR UIANG”.
Ngidah kata e bas layar komputer mis aku ngandung janah la kugejap “ Tuhan Yesus Baik” ningku sisada bas warnet ah. Niheni kalak aku kerina tapi lanai aku peduli ban riahna ukurku. Kutelepon nande ras bapa ku kuta.
“O nande, lulus aku, menang aku nande, bapa banci kubuktikan aku bisa. Emaka kataken man kalak singataken la mungkin ndai aku lulus bahwa aku lulus i Universitas Sumatera Utara,” ningku man nande.
Reh nina nande ngaloisa: “Ue nak, nggo begiken Tuhan totota.”
Selamat ya nakku. Meriah kel ukur kami,” nina bapa (Bersambung).

Berita terkait:
Anak Pengungsi Sinabung Ndungi Sekolah
AnakPengungsi Sinabung Ndungi Sekolah (1) // //