Bilang-bilang

Oleh: Elisabeth Barus (Medan) Kudoah kudidong kena anakku teman nandena Nangkih-nangkih matawari e anakku mberu nandena Kugiling menda kuning gersing mbiri tutung rikut mayang metua janah ipersada menda ras bulung bunga-bunga jadi luh-luhndu anakku gelah iluh-luhken ku kulandu Kenca matawari ndabuh ku benna ku buat menda kesaya si lima-lima man penurungi gelah isurungi me kam gelah lampas mbelin anakku Kudidong kudoah anakku mberu nandena mehamat gelah pepagi kam kempak kerina jelma perharu gelah kam pagi kempak kerina kalak si kote beluhlah pepagi kam ncibalkel ranan tupung kam sumekah gelah malem kel pepagi ate kami ras bapandu, anakku Ulakel mejar-jar singuda-nguda nandena gelah pepagi morah kel ate bibi bengkilandu kempak kam, anakku rupandu si gayang e baban ku tiga kap ngenca pepagi tapi lagu langkah mehuli em kap erta si mbelinna Ula metuda, anakku bagi kaba-kabalah kam jine, anakku mejile melemuk, anakku tapi mesera kel ndatkenca Bagem toto nande beru Karo man bandu kam kerina singuda-nguda (Kartini-kartini) sinikelengi kami Kelengilah dirindu tetapkenlah ukurndu jemak pelcik erga dirindu gelah ula celus ku bas embang simbages SELAMAT HARI KARTINI MAN BANTA BERU SILIMA. // //